అద్దం న్యూస్, వెబ్డెస్క్: తెలంగాణ ఫోన్ ట్యాపింగ్ కేసులో మాజీ సీఎస్ సోమేష్ కుమార్, మాజీ ఇంటెలిజెన్స్ చీఫ్ నవీన్ చంద్లను సిట్ అధికారులు మరోసారి విచారించారు. ప్రభాకర్ రావు ఫోన్ ట్యాపింగ్ సమయంలో వీరు రివ్యూ కమిటీలో ఉండటంతో, అనుబంధ ఛార్జ్షీట్ కోసం ఈ విచారణలు జరుగుతున్నాయని తెలుస్తోంది. ప్రభాకర్ రావు నియామకం, ట్యాపింగ్ చేసిన నంబర్లపై వీరిని ప్రశ్నించారు. కస్టడీ గడువు సమీపిస్తున్న నేపథ్యంలో విచారణ వేగవంతమైంది.
తెలంగాణ రాష్ట్రంలో సంచలనం సృష్టించిన ఫోన్ ట్యాపింగ్ కేసులో కీలక పరిణామం చోటు చేసుకుంది. ఈ కేసులో భాగంగా తాజాగా తెలంగాణ మాజీ సీఎస్ సోమేష్ కుమార్తో పాటు మాజీ ఇంటెలిజెన్స్ చీఫ్ నవీన్ చంద్లను సీపీ సజ్జనార్ ఆధ్వర్యంలోని నూతన సిట్ (SIT) అధికారులు మరోసారి విచారించారు. వీరంతా.. ప్రభాకర్ రావు ఫోన్ ట్యాపింగ్ చేసిన సమయంలో రివ్యూ కమిటీలో ఉన్నారు.
దీంతో అనుబంధ ఛార్జ్షీట్ దాఖలు చేసేందుకుగాను సిట్ అధికారులు వీరిని మరోసారి ప్రశ్నించినట్లు సమాచారం. ప్రస్తుతం ప్రభాకర్ రావును రెండో సారి కస్టోడియల్ విచారణ జరుపుతున్న సంగతి తెలిసిందే. ఈ క్రమంలో మరోసారి సోమేష్ కుమార్, నవీన్ చంద్లను విచారించడం ప్రాధాన్యత సంతరించుకుంది. సోమేష్ కుమార్, నవీన్ చంద్ ఇద్దరూ.. గతంలో కేసీఆర్ హయాంలో కీలక బాధ్యతలు నిర్వర్తించారు. ఈ క్రమంలో ఫోన్ ట్యాపింగ్ కేసులో భాగంగా సిట్ అధికారులు.. ఈ ఇద్దరు అధికారులను అనేక కోణాల్లో ప్రశ్నించారు.
ముఖ్యంగా, ప్రభాకర్ రావును ఎస్ఐబీ (SIB) ఓఎస్డీగా ఎలా నియమించారని సోమేష్ కుమార్ను అడిగినట్లు తెలిసింది. అలాగే, నవీన్ చంద్ హయాంలోనే ప్రభాకర్ రావు ఎస్ఐబీ చీఫ్గా పనిచేశారు. దీంతో.. ప్రభాకర్ రావు ఎవరెవరి నంబర్లను ట్యాప్ చేశారనే దానిపై నవీన్ చంద్ను విచారించినట్లు సమాచారం.
సుప్రీంకోర్టు ఆదేశాల ప్రకారం.. డిసెంబర్ 25తో ప్రభాకర్ రావు కస్టడీ ముగియనుంది. మరో మూడు రోజులు మాత్రమే మిగిలి ఉండటంతో.. సిట్ అధికారులు కస్టోడియల్ విచారణను వేగవంతం చేశారు. ఫోన్ ట్యాపింగ్ వ్యవహారంలో ప్రభాకర్ రావు నుంచి మరిన్ని వివరాలు రాబట్టేందుకు ఈ విచారణలు దోహదపడతాయని భావిస్తున్నారు. రానున్న రోజుల్లో ఈ కేసులో మరిన్ని అరెస్టులు కూడా ఉండవచ్చని ఊహాగానాలు వినిపిస్తున్నాయి.
https://addamnews.com/wp-content/uploads/2026/06/Untitled-2-copy-2.png
Leave a Reply