హైదరాబాద్, అద్దం న్యూస్ : దేవాల‌యాల అభివృద్ధి కోసం ఆల‌యాల ధ‌ర్మ‌క‌ర్త‌ల మండ‌లి క‌మిటీ స‌భ్యులు కృషి చేయాల‌ని రాజ్య‌స‌భ స‌భ్యుడు ఎం.అనిల్ కుమార్ యాదవ్ అన్నారు. హైదరాబాద్ ముషీరాబాద్ నియోజ‌క‌వ‌ర్గం అడిక్‌మెట్ డివిజ‌న్ రాంన‌గ‌ర్ రామాల‌యం నూత‌న ధ‌ర్మ‌క‌ర్త‌ల మండ‌లి క‌మిటీ ప్ర‌మాణ‌స్వీకారం శ‌నివారం జ‌రిగింది. ఈ కార్య‌క్ర‌మానికి ముఖ్య అతిథిగా రాజ్య‌స‌భ స‌భ్యుడు ఎం.అనిల్ కుమార్ యాదవ్ హాజ‌ర‌య్యారు. ఈ సంద‌ర్భంగా ఆల‌య ఈవో ల‌క్ష్మారెడ్డి నూత‌న పాల‌క‌మండ‌లి స‌భ్యుల‌తో ప్ర‌మాణ‌స్వీకారం చేయించారు. ఆల‌య క‌మిటీ ఛైర్మ‌న్‌గా వి.ఆనంద్ ముదిరాజ్ ప్ర‌మాణ‌స్వీకారం చేశారు. ఆయ‌న‌తో పాటు ధ‌ర్మ‌క‌ర్త‌లుగా వి.గోవ‌ర్థ‌న్‌రెడ్డి, జి.మీనా, బి.రాంచంద‌ర్‌, జె.యాద‌గిరి, ఎన్‌.ప్ర‌శాంత్ ప్ర‌మాణ‌స్వీకారం చేశారు. ఈ సంద‌ర్భంగా రాజ్య‌స‌భ స‌భ్యుడు ఎం.అనిల్ కుమార్ యాదవ్ మాట్లాడుతూ… నియోజ‌క‌వ‌ర్గంలోని దేవాదాయ శాఖ ఆల‌యాల్లో పాల‌క‌మండ‌లి క‌మిటీ స‌భ్యులంద‌రూ ఆయా ఆల‌యాల్లో జ‌రిగే పూజా కార్య‌క్ర‌మాల్లో పాల్గొనాల‌న్నారు. ఆల‌యాల‌కు వ‌చ్చే భ‌క్తుల‌కు ఎటువంటి ఇబ్బందులురాకుండా చూసుకోవాల‌న్నారు. ఈ కార్యక్రమంలో ఆల‌య ఎక్స్ అఫిషియో మెంబ‌ర్ ఆరుట్ల వెంక‌ట‌ర‌మ‌ణాచార్యులు, మాజీ కార్పొరేట‌ర్ ఆర్.క‌ల్ప‌నా యాదవ్, యూత్ కాంగ్రెస్ ప్ర‌ధాన కార్య‌ద‌ర్శి అర‌వింద్ యాదవ్, ఐఎన్‌టియుసి రాష్ట్ర ఉపాధ్య‌క్షుడు న‌ల్ల‌వెల్లి అంజిరెడ్డి, కాంగ్రెస్ పార్టీ నాయ‌కులు వ‌ర‌ద‌రాజు, వెంక‌టేష్ త‌దిత‌రులు పాల్గొన్నారు.
దేవాల‌యాల అభివృద్ధికి ఆల‌యాల క‌మిటీ స‌భ్యులు కృషి చేయండి – రాజ్య‌స‌భ స‌భ్యుడు ఎం.అనిల్ కుమార్ యాదవ్
- Advertisment -
- Advertisment -
- Advertisment -
RELATED ARTICLES
- Advertisment -
- Advertisment -
- Advertisment -
- Advertisment -
- Advertisment -